سرکلر ڈیٹ سے جان چھڑانے کے لئے حکومت نے ایک بار پھر دو سو ارب روپے مالیت کے اسلامی بانڈز جاری کرنے کا فیصلہ کرلیا۔
سکوک بانڈز مئی میں کیپٹل مارکیٹ میں متعارف کرائے جائیں گے۔ حکام کے مطابق اکتیس دسمبر تک سرکلر ڈیٹ ڈھائی سو ارب روپے تک لایا جائے گا۔
جس کے لئے مزید دو سو ارب روپے کے “پاکستان انرجی سکوک ٹو” جاری کرنے کا فیصلہ کیا گیا ہے۔ اس سے قبل رواں ماہ بھی دو سو ارب کے اسلامی بانڈز جاری کیے گئے تھے۔
سکوک بانڈز پاکستان اسٹاک ایکس چینج میں پیش کئے جائیں گے جن کی مدت دس سال ہوگی، بانڈز پر کائبور پلس اعشاریہ ایٹ فیصد سالانہ منافع دیاجائے گا۔
اس وقت سرکلر ڈیٹ کی مجموعی مالیت چودہ کھرب دس ارب روپے ہے، جس میں چھ سو تین ارب روپے بینکوں کا قرضہ ہے، جبکہ آٹھ سو سات ارب روپے کا سرکلر ڈیٹ ہے۔
Facebook Comments
بذریعہ فیس بک تبصرہ تحریر کریں