جنگ ختم ہوئی
لوٹ آئے سب سپاہی بھی
کاروبار دنیا بھی
اب رواں ہے پہلے سا
آگ میں سیاست کی
پھر دھواں ہے پہلے سا،
Advertisements
پوچھنا بس اتنا تھا
خوبرو سے حاکم سے
دیانتوں کے حاتم سے
بات تھی جو پوری کی؟
ساہیوال ہو آئے؟
اجڑے ہوئے سے بچوں کی
آنکھ میں جو آنسو تھے
ان کو تم نے پونچھا کیا؟
لرزاں بدن کے زخموں کو
پیار سے کیا دھو آئے؟
دی سزا جو وعدہ کی؟
یا فقط بیاں تھا اک؟
اس بار بھی کیا میرا ووٹ
وقت کا زیاں تھا اک؟
Facebook Comments
بذریعہ فیس بک تبصرہ تحریر کریں