کوئٹہ :ہرنائی کےعلاقےمیں  لینڈ سلائیڈنگ سے مکان مکمل طور پر تباہ ہوگیا،ماں  اور5بچے ملبے تلے دب کرجاں بحق ہوگئے۔

تفصیلات کے مطابق، پیر کو بلوچستان کے علاقے ہرنائی میں لینڈ سلائیڈنگ کے باعث مکان مکمل طور پر تباہ ہوگیا جس کے نتیجے میں کمرے میں موجود ماں اور5بچے ملبے تلے دب کر دم توڑ گئے۔

ڈی سی ہرنائی عظیم جان دمڑکا کہنا ہے کہ ملبہ گرنےسےمکان کا ایک کمرہ مکمل طورپردب گیا،واقعہ بارش کےباعث لینڈسلائیڈنگ ہونے سے  پیش آیا۔

انہوں نے کہا کہ واقعے میں2سالہ بچی معجزانہ طور پر بچ گئی ہے جبکہ  ریسکیو آپریشن مکمل کرلیاگیا ۔

Advertisements

ڈی سی عظیم جان ڈمڑکامزید کہنا ہے کہ لاشوں کو ڈسٹرکٹ ہیڈ کوارٹراسپتال ہرنائی منتقل کردیا گیا ہے  جہاں کاغذی کارروائی کی جائے گی۔