تین چار دن کام زیادہ ہے۔
چھٹی کے بارے میں سوچنا بھی مت!۔ عورتوں کے حقوق کے لیے ایک
احتجاجی مارچ کیا جانا ہے۔
پوسٹر کل تک ہر صورت مل  جانے چاہئے۔
تمہیں معلوم ہے نا؟
پوسٹرز پر کیا لکھنا ہے؟
بیگم صاحبہ نے فون پر کسی کو بتایا۔
اُس نے لرزتے ہونٹوں کے ساتھ فریاد بھرے لہجے میں
جھجکتے جھجکتے بیگم صاحبہ  کو مخاطب کرکے کہا
“بیٹی بیمار ہے
کچھ پیسوں کی
ضرورت تھی”۔
“بکواس بند کرو!
مہینہ مکمل نہیں ہوا
اور تنخواہ پہلے ہی لے چکی ہو۔
پہلے ہی مارچ کی تیاری میں
بہت خرچہ ہو چکا ہے”۔