اسلام آباد: بھارتی میڈیا نے جیش محمد کے سربراہ مولانا مسعود اظہر کے انتقال کی خبر چلا دی ہے۔

تفصیلات کے مطابق بھارتی میڈیا اپنے ہی عوام کے ردعمل سے اتنا بوکھلایا ہوا ہے کہ اس نے مولانا مسعود اظہر کے انتقال کی خبر چلادی۔

تاہم مسعود اظہر کے اہل خانہ نے خبر کی تردید کرتے ہوئے ان کےزندہ اور خیر و عافیت سے ہونے کی تصدیق کردی ہے۔

گلف نیوز کے مطابق جیش محمد کے سربراہ کے اہل خانہ کی جانب سے بتایا گیا ہے کہ بھارتی میڈیا پر چلائی جانے والی خبریں جھوٹی ہیں۔ مسعود اظہر ناصرف زندہ ہیں، بلکہ خیر و عافیت سے ہیں مکمل تندرست ہیں۔

واضح رہے کہ بھارتی میڈیا کی جانب سے اتوار کی صبح سے مسعود اظہر کے انتقال کی جھوٹی خبر چلائی جا رہی ہے۔ تاہم اب اس خبر کی تردید کر دی گئی ہے۔

Advertisements

پاکستان کے اعلیٰ حکام نے بھی اس خبر کو بے بنیاد قرار دیتے ہوئے اس کی تردید کی ہے۔