اسلام آباد:پارلیمنٹ کے دونوں ایوانوں کے اجلاس آج ہونے جارہے ہیں ،پلوامہ واقعے کے بعد بھارتی دھمکیوں ، کشیدہ صورتحال اورمقبوضہ کشمیرمیں جاری مظالم پربحث ہوگی ۔

تفصیلات کے مطابق، پیر کو قومی سمبلی کا اجلاس 2روزکے وقفے کے بعد شروع ہوگا جس میں سپلمنٹری فنانس بل 2019 پرسینیٹ کی سفارشات پر بحث ہوگی ۔

وزیرخزانہ اسدعمرٹیکسزکے حوالے سے بل منظوری کیلئے پیش کریں گے۔

وزیرخزانہ اسد عمر 2017 اٹھارہ کی آڈٹ رپورٹ ایوان میں پیش کریں گے جبکہ وزیرپارلیمانی امورملک میں بجلی کی صورتحال پرتحریک پیش کریں گے۔

اپوزیشن کی جانب سے اسپیکرسندھ اسمبلی کی گرفتاری اورخواجہ سعد رفیق کے پروڈکشن آرڈرجاری نہ کرنے پراحتجاج متوقع ہے ۔

دوسری جانب سینیٹ کا اجلاس بھی ہورہا ہے اجلاس سے قبل اپوزیشن لیڈرراجہ ظفرالحق کی زیرصدارت پارلیمانی پارٹیزکا اجلاس ہوگا جس میں اجلاس کیلئے متفقہ حکمت عملی طے کی جائےگی ۔