اسلام آباد:پاکستانی نوجوانوں کوبا اختیار بنانے کے مشن پر اقوام متحدہ پاکستان کے ساتھ تعاون پرتیار ہے ،اقوام متحدہ نے پاکستانی نوجوانوں کیلئے30 ملین ڈالر فنڈز فراہم کرنے کا اعلان کردیا۔

بدھ کو حکومت کے نوجوانوں کوبا اختیاربنانے کا مشن “کامیاب جوان” پروگرام میں بڑی پیشرفت سامنے آئی ہے۔

وزیراعظم عمران خان سے معاون خصوصی عثمان ڈاراوراقوم متحدہ کے حکام نے ملاقات کی،عثمان ڈار نے اقوام متحدہ کو کامیاب جوان پروگرام کی تفصیلات سے آگاہ کیا۔

اقوام متحدہ نے وزیراعظم کو بتایاکہ “کامیاب جوان” پروگرام کیلئے 30 ملین ڈالرزمختص کردئیے جبکہ پروگرام کے تحت 2 لاکھ نوجوانوں کوبااختیاربنایا جائے گا ،پروگرام کا چیئرمین عثمان ڈار کومقرر کیا گیا۔

وزیراعظم نے فنڈز کی فراہمی پر شکریہ ادا کرتے ہوئے کہا کہ پاکستانی نوجوانوں میں بے پناہ صلاحیتیں موجودہیں ، حکومت نوجوانوں کوملکی ترقی میں مؤثرکردارادا کرنے کا موقع چاہتی ہے ۔