اسلام آباد: پلوامہ حملے کے بعد پاکستان نے کشیدگی کے خاتمے کیلئے اقوام متحدہ سے مداخلت کا مطالبہ کردیا۔

تفصیلات کے مطابق، منگل کو بھارتی الزامات اور دھمکیوں پر پاکستان نے اقوام متحدہ کے سیکرٹری جنرل سے رابطہ کرلیا۔

وزیرخارجہ مخدوم شاہ محمود قریشی نے اقوام متحدہ کے سیکرٹری جنرل کو خط لکھا ہے جس میں کہا گیا کہ بھارت تحقیقات کے بغیرپلوامہ حملے کا الزام پاکستان پرلگا رہا ہے ،بھارت اپنے داخلی مقاصد کے تحت پاکستان دشمن بیانات سے خطے کا ماحول کشیدہ بنا رہا ہے ، ایسی صورتحال میں اقوام متحدہ کی فوری مداخلت ضروری ہے۔

شاہ محمود قریشی نے کہا کہ حملہ آورکشمیری تھا لیکن بھارت نے الزام پاکستان پرلگا دیا ،پاکستان اوربھارت کے درمیان کشیدگی کے خاتمے کیلئے اقوام متحدہ کی مداخلت کرے ، بھارت نے سندھ طاس معاہدہ ختم کرنے کی دھمکی دی جوسنگین غلطی ہوگی ۔