جاوید اختر اور شبانہ اعظمی کا دورہ پاکستان منسوخ

SHOPPING

نامور بالی وڈ شاعر اور سکرپٹ رائٹر جاوید اختر اور ان کی اہلیہ شبانہ اعظمی نے کشمیر پلوامہ حملے کے بعد ہندو انتہا پسندوں کے خوف سے دورہ کراچی منسوخ کر دیا۔ جاوید اختر اور اداکارہ شبانہ اعظمی کو 23 اور 24 فروری کو کراچی آرٹس کونسل میں شبانہ اعظمی کے والد کیفی اعظمی کے اعزاز میں دی جانے والی تقریب میں شرکت کرنا تھی۔ دونوں نے تقریب میں شرکت کی تصدیق بھی کردی تھی تاہم گزشتہ روز مقبوضہ کشمیر کے ضلع پلوامہ میں ہونے والے خودکش حملے کے بعد انہوں نے اپنا دورہ کراچی منسوخ کردیا۔ دورہ منسوخ کرنے کی اطلاع جاوید اختر نے ایک ٹویٹ کے ذریعے دی، انہوں نے لکھا کہ کراچی آرٹس کونسل نے مجھے اور شبانہ کو کیفی اعظمی کے اعزاز میں منعقد کی جانے والی دو روزہ تقریب میں بطور مہمان مدعو کیا تھا،  تاہم اب ہم نے اپنا دورہ منسوخ کر دیا ہے۔  1965 کی جنگ کے دوران کیفی صاحب نے نظم لکھی تھی  اور پھر کرشن نے ارجن سے سیکھا۔ جاوید اختر کی ٹویٹ سے صاف ظاہر ہے کہ انہوں نے اپنا دورہ کراچی پلوامہ حملے کے بعد بھارتی ہندو انتہا پسندوں کے خوف کی وجہ سے منسوخ کیا۔

SHOPPING

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *