وائٹ ہائوس  نے کہا ہے کہ امریکی صدر ڈونلڈ ٹرمپ میکسیکو کی سرحدی دیوار کی فنڈنگ کے معاملے ملک میں ایمرجنسی نافذ کرنے والے ہیں۔ غیر ملکی خبررساں ادارے کے مطابق اپوزیشن کی جانب سے میکسیکو کی سرحد پر دیوار کی تعمیر کی منظوری نہ دینے پر نالاں امریکی صدر ڈونلڈ ٹرمپ حکومتی شٹ ڈاؤن کے بعد اب ملک میں ایمرجنسی نافذ کرنے کا ارادہ رکھتے ہیں۔ ترجمان وائٹ ہائوس کے مطابق امریکی صدر ڈونلڈ ٹرمپ میکسیکو کی سرحدی دیوار کی فنڈنگ کے معاملے پر ایمرجنسی کا اعلان کرنے والے ہیں، ڈونلڈ ٹرمپ حکومتی شٹ ڈائون کو ختم کرنے کے لیے بارڈر سیکیورٹی کے بل پر تو دستخط کر دیں گے تاہم اپنے مطالبے کو عملی جامہ پہنانے کے لیے وہ کانگریس کی منظوری کے بغیر دیوار کی تعمیر کے لیے فوجی فنڈز کا استعمال کرنے کا ارادہ رکھتے ہیں۔