اسلام آباد:وزیرخارجہ شاہ محمود قریشی نے پلوامہ واقعہ پرافسوس اور مذمت کرتےہوئے کہاکہ بھارت کا بغیرتحقیق الزام تراشیوں کا رویہ افسوسناک ہے ،ثبوت دیں تعاون کیلئے تیارہیں ۔
تفصیلات کے مطابق، ہفتے کو میونخ میں وزیرخارجہ مخدوم شاہ محمود قریشی نے یورپی یورنین کی خارجہ اور سیکیورٹی پالیسی سربراہ سے ملاقات کی،ملاقات میں پاکستان اوریورپین یونین کے مابین دوطرفہ تعلقات پرتبادلہ خیال اور موجودہ صورتحال پراطمینان کا اظہارکیا گیا ۔
میڈیا سے گفتگومیں شاہ محمود قریشی نے کہا کہ میونخ کانفرنس میں پاکستان کا بھرپورمؤقف پیش کیا جس سے اعتماد سازی میں اضافہ ہوا ۔
وزیرخارجہ نے پلوامہ واقعہ پرافسوس کا اظہارکرتےہوئے کہا کہ پاکستان جانی نقصان اورتشدد کے کبھی حق میں نہیں ہے اورنہ اپنی سرزمین دہشتگردی کواستعمال کرنے دے گا، بھارت کا بغیرتحقیق الزام تراشیوں کا رویہ افسوسناک ہے اگرہندستان ثبوت دے تو تعاون کیلئے تیارہیں ۔
شاہ محمود قریشی نے مزید کہاکہ پاکستان کوسفارتی طورپرتنہاکرنے کا بھارتی خواب کبھی پورانہیں ہوگا، دنیا حقائق سے واقف ہے، پاکستان کو اس واقعے سے کوئی فائدہ نہیں ،پاکستان جانی نقصان اور تشدد کے کبھی حق میں نہیں ہے ،پاکستان اپنی سرزمین دہشتگردی کیلئےاستعمال نہیں ہونےدےگا۔
ان کا کہنا تھا کہ جرمنی ،کینیڈا،ازبک وزرائے خارجہ اورافغان صدرکے ساتھ ملاقاتوں نے بھارتی ایجنڈا خاک میں ملادیا ۔
انہوں نےمزید کہاکہ انتخابات آتے جاتے ہیں بھارت کو سیات سے بالاترہوکرسوچتے ہوئے خطے کے امن واستحکام کوفوقیت دینی چاہیے۔
وزیرخارجہ نے امریکی سینیٹر سے ملاقات کا احوال بتاتے ہوئے کہاکہ امریکا پاکستان کے ساتھ تعلقات کودوبارہ استوارکرنا چاہتا ہے امریکی سینٹرزبھی صدرٹرمپ اوروزیر اعظم عمران خان کے درمیان ملاقات کے خواہاں ہیں ۔
Facebook Comments
بذریعہ فیس بک تبصرہ تحریر کریں