وزارت داخلہ نے نوازشریف کا نام ایگزٹ کنٹرول لسٹ سے نکالنے کی استدعا مسترد کردی۔ ذرائع  کے مطابق وزارت داخلہ نے سابق وزیراعظم نوازشریف، مریم نواز اور کیپٹن (ر) صفدر  کا نام ای سی ایل سے نکالنے کی درخواست مسترد کردی۔ تینوں شخصیات کا نام ای سی ایل سے نکالنے کے لئے گزشتہ سال اکتوبر میں الگ الگ درخواستیں وزارت داخلہ میں جمع کرائی گئی تھیں۔ درخواست میں کہا گیا تھا کہ ایگزٹ فرام پاکستان رولز2010کے رول 2 میں بیان کردہ وجوہات ہم پر لاگو نہیں ہوتیں، کسی معاشی جرم، دہشتگردی یا اس کی سازش جیسے جرم میں ملوث نہیں ہیں لہٰذا نام ای سی ایل سے نکالے جائیں۔