فضائی حادثات اب کم ہوتے جارہے ہیں مگر اسکا سلسلہ جاری ہے اور وقفے وقفے سے کہیں نہ کہیں سے طیاروں کے حادثات کی خبریں آتی رہتی ہیں جن میں سے بعض تباہ شدہ طیاروں کا سراغ مل جاتا ہے اور بعض کا سراغ لگانے کی ساری کوششیں ناکامی سے دوچار ہوتی رہتی ہیں۔ ایسا ہی کچھ اب سے کوئی 80سال قبل بوکا آئی لینڈ کے قریب حادثے سے دوچار ہوجانے والے طیارے کے پیش آیا تھا اور پھر کوئی سراغ نہیں مل پا رہا تھا۔ کہا جاتا ہے کہ امکانی طور پر حادثے کا شکار ہونے والا طیارہ امیلیا اور فریڈ نامی 2افراد چلا رہے تھے جو ہواباز تھے۔ یہ حادثہ بحر اوقیانوس پر پیش آیا تھا اور اب غوطہ خوروں نے پاپوا نیو گنی کے اس جزےرے میں 100 فٹ نیچے پانی سے ایک بڑا شیشے کا ٹکڑا برآمد کیا ہے۔ جس کے بارے میں خیال ہے کہ یہ اسی لاپتہ طیارے کا شیشہ ہے۔ ہوسکتا ہے کہ یہ شیشہ صحیح رہنمائی کرے تاہم اس سراغ تک پہنچنے کیلئے بالشیولی نامی ایک ایوی ایشن رپورٹر کو 13سال امکانی جائزے کے لئے جائے حادثہ پر صرف کرنا پڑے۔ اب وہ اس پورے واقعہ کی فلم بنانا چاہتے ہیں اور اس کے لئے فنڈ اکٹھا کر رہے ہیں۔
Facebook Comments
بذریعہ فیس بک تبصرہ تحریر کریں