لاہور: لاہور ہائیکورٹ نے اسمبلی کا حلف نہ اٹھانے پر سابق وزیرداخلہ چوہدری نثار کو نوٹس جاری کردیا۔

منگل کو لاہور ہائیکورٹ کے جسٹس شاہد وحید نے اراکین اسمبلی کے حلف نہ اٹھانے سے متعلق ندیم سرور ایڈووکیٹ کی درخواست پر سماعت کی۔

درخواستگزار نے موقف اختیار کیا کہ نمائندوں کا حلف نہ اٹھانا عوامی نمائندگی ایکٹ کی خلاف ورزی ہے،چوہدری نثار نے نشست جیتنے کے بعد تاحال حلف نہیں اٹھایا، عدالت چوہدری نثار کی کامیابی کو کالعدم  قرار دے اور الیکشن کمیشن کو الیکشن جیتنے والی اراکین اسمبلی کو حلف اٹھانے کا پابند کرے۔

Advertisements

دلائل سننے کے بعد عدالت نے چوہدری نثار کو نوٹس جاری کرتے ہوئے وفاقی حکومت، الیکشن کمیشن اور اسپیکر قومی و صوبائی اسمبلی سے جواب طلب کر لیا۔