لاہور:پیراگون ہاؤسنگ اسکینڈل میں گرفتار خواجہ برادران کو آج احتساب عدالت میں پیش کیا جائے گا۔
تفصیلات کے مطابق، ہفتے کو مسلم لیگ (ن)کے رہنماءخواجہ سعدرفیق اوران کے بھائی خواجہ سلمان رفیق کو جسمانی ریمانڈمکمل ہونےپرآج دوبارہ احتساب عدالت میں پیش کیاجائےگا،خواجہ برادران کوآج سیدنجم الحسن کےروبروپیش کیاجائےگا۔
نیب عدالت میں پیشی سےقبل سیکیورٹی کےسخت انتظامات کئےگئےہیں،نیب عدالت کےاطراف میں پولیس کی بھاری نفری تعینات ہے، اینٹی رائیٹ فورس کےاہلکاربھی تعینات ہوں گے۔
نیب عدالت کی جانب آنےوالےتمام راستوں پرکنٹینرز،خاردار تاریں لگاکرسیل کردیاگیا۔
ن لیگی قیادت کی جانب سےتمام کارکنوں کواحتساب عدالت پہچنےکی ہدایت کی گئی ہے،کسی بھی کارکن کواحتساب عدالت کےاحاطےمیں داخلےکی اجازت نہیں ہوگی،کارکن مقررہ حد کےباہرکھڑےہوکر خواجہ برادران سےاظہاریکجہتی کریں گے۔
یاد رہے کہ نیب نے دونوں ملزمان کو19جنوری کواحتساب عدالت میں پیش کیاگیاتھا،عدالت نےخواجہ برادران کےجسمانی ریمانڈمیں ایک ہفتےکی توسیع کی تھی۔
گزشتہ سماعت پرسعدرفیق کا26جنوری تک کاراہداری ریمانڈمنظوربھی کیا گیا تھا،رہداری ریمانڈکےتحت سعدرفیق قومی اسمبلی کےاجلاس میں شریک ہوئےتھے،ریمانڈنیب پراسیکیوٹروارث علی جنجوعہ کی درخواست پردیاگیاتھا۔
Facebook Comments
بذریعہ فیس بک تبصرہ تحریر کریں