لاہور:وزیراطلاعات پنجاب فیاض الحسن چوہان نے کہا ہے کہ نوازشریف کی حالت بالکل ٹھیک ہے وہ قومی مجرم ہیں،مریم نواز والد کی صحت کو لیکر جھوٹا پروپیگنڈا کرنا چھوڑ دیں۔

جمعے کو پنجاب اسمبلی کے احاطہ میں میڈیا سے گفتگو کرتے ہوئے فیاض الحسن چوہان کا کہنا تھا کہ سانحہ ساہیوا ل پر اپوزیشن کی جانب سے سیاست کی جارہی ہے،72گھنٹوں کے اندر ذمے داروں کیخلاف کاروائی کی گئی ہے،واقعے کی تحقیقات سے اگر عوام بھی راضی نہیں ہوگئ تو جوڈیشل کمیشن بنانے کیلئے تیار ہوں گے۔

وزیراطلاعات پنجاب نے مزید کہا کہ نوازشریف کو جیل میں وئ وی آئی پی پروٹوکول دیا جارہا ہے،ان کی ہر قسم کی حفاظت اور ٹریٹمنٹ کرنا حکومت کی ذمہ داری ہے،نوازشریف کو اسپیشل ٹریمنٹ کی ضرورت نہیں تھی،پی آئی سی کی رپورٹ میں تمام چیزیں نارمل ہیں،مریم نواز جھوٹ بول کر جذباتی بلیک میل کررہی ہیں۔

Advertisements

انہوں نے کہا کہ وزیراعلیٰ سندھ مراد علی شاہ کی جانب سے دئیے پاکستان مخالف دئیے گئے بیان کی وہ بھرپور مذمت کرتے ہیں،   سب سن لیں جو بھی پاکستان کی جانب میلی آنکھ آٹھا کر دیکھے گا تو اس کو نشان عبرت بنایا جائے گا۔