فیشن ڈیزائنر وکٹوریہ بیکم کی جلد بالکل بے عیب نظر آتی ہے۔اپنی جلد کی حفاظت کے لیے انہوں نےحال ہی میں ایک نئی فیس کریم کا استعمال شروع کیا ہے۔وکٹوریہ بیکم جلد پر لگانے کے لیے جو فیس کریم استعمال کرتی ہیں، اس میں ان کا اپنا خون بھی شامل ہوتا ہے۔یہ عجیب و غریب فیس کریم ماہر امراض جلد باربرا سٹورم کی ایجاد ہے۔باربرا پہلے بھی کئی مشہور شخصیات کے ساتھ کام کر چکی ہیں اور اسی طرح کی حیرت انگیز منصوعات متعارف کرا چکی ہیں۔اس نئی کریم کی لاگت 1100 پاؤنڈ یا 1242 یورو ہے، جو ظآہر ہے وکٹوریہ بیکم کے لیے زیادہ رقم نہیں۔وکٹوریہ بیکم نے اپنے انسٹاگرام پروفائل پر بتایا کہ باربرا سٹورم نے ان کا کچھ خون لیا اور یہ زبردست کریم ایجاد کر دی۔انہوں نے بتایا کہ رات کو یہ کریم لگا کر سونے سے ان کی جلد بہت اچھی رہتی ہے۔
Facebook Comments
بذریعہ فیس بک تبصرہ تحریر کریں