13۔ گورنمنٹ سول اداروں جیسے پولیس اور انتظامیہ، فارن سروس ، نیم سول اداروں اور کارپوریشنز میں مخصوص ادارے کے افسر براہ راست شامل کر دیے جاتے ہیں ۔ پھر نوجوان ریٹائرڈ افسر سول میں بھرتی ھو جاتے ہیں ۔ پھر سینئر ریٹائرڈ افسران سول اداروں کے ھیڈ اور باس بن جاتے ھیں ۔ یہ سب حضرات ضرورت پڑنے پر سول حکومت کو بائی  پاس کر دیتے ھیں ۔ اور براہ راست اپنے اصل ادارے کے احکامات کے تحت کام کرتے ھیں ۔ خاکی و سویلین برتری کی کشمکش میں یہ سول سائیڈ کی کمزوری کا باعث بنتے ھیں ۔
14۔ اسی طرح ضرورت پڑنے پر عدلیہ ، نیب ، میڈیا ، اسٹیٹ بینک اور کسی بھی سول ادارے یا افسر کو بائی  فورس یا قومی مفاد کے نام پر استعمال کر لیا جاتا ھے۔ سول حکومت کو پتہ بھی نہیں ھوتا اور سول حکومت کی مرضی اور منشاء کے بغیر کام ھو رھا ھوتا ھے۔ اس کی بے شمار مثالیں ھیں ۔ خاص طور پر دھرنوں میں ۔
15۔ وہ سادہ ، معصوم اور مثالیت پسند افراد جو ملک میں میرٹ اور عدم مداخلت کی بنیاد پر سول اداروں کی تشکیل چاھتے ھیں ۔ اور جن کا خیال ھے۔ سول حکومت ایسا نہیں ھونے دیتی۔ ایسے حضرات بے خبر بھی ھیں ۔ کہ اصل میں ھو کیا رھا ھے ؟
16۔ اسی طرح کچھ پریشر گروپس، مولوی حضرات ،انتہا پسند اور سیاسی پارٹیاں پالی گئی ھیں ۔ پروان چڑھائ جاتی ھیں ۔ جن سے سول حکومت پر دباو ڈالنے، اپنا کام نکلوانے اور سول حکومت کو ضرورت پڑنے پر مفلوج کرنے کا کام لیا جاتا ھے۔ ستم ظریفی یہ ھے کہ سول حکومت کے ماتحت تمام ادارے ان بلیک میلر پریشر گروپس کے سہولت کار بن جاتے ھیں اور سول حکومت بے بسی سے دیکھتی رہ جاتی ھے۔ لیکن جب کوئی  پریشر گروپ ھاتھ سے نکلتا ھے۔ جیسے طالبان، جیسے خادم رضوی ، جیسے الطاف حسین، تو انہیں عبرت کی مثال بنا دیا جاتا ھے۔ یہ ایک بہترین مثال ھے۔ جس سے مقتدرہ کے طریقہ کار کو سمجھا جا سکتا ھے۔
17۔ جیسے جب جنرل کیانی نے ایکسٹینشن لینی تھی۔ تو اسلام آباد میں دھرنا کروایا گیا۔ جنرل راحیل شریف نے ایکسٹینشن لینی تھی۔ اور حکومت کو مفلوج کرکے اختیارات پر قبضہ کرنا تھا۔ اور سی پیک کے ٹھیکے حاصل کرنا تھے۔ تو ڈان لیکس اور کلبھوشن یادیو کو نکالا گیا ۔ اور دھرنے دلوائے گئے۔
18۔ جیسے جنرل مشرف سے چھٹکارا پانے کے لیے جنرل کیانی نے آزاد عدلیہ کے نام پر وکلاء تحریک چلوائی  ۔ لیکن جب پہلے افتخار محمد چوہدری اور پھر ثاقب نثار نے جوڈیشل ایکٹوزم کے نام پر آئین اور قانون سے کھلواڑ کیا تو کسی وکیل نے چوں بھی نہیں کی۔
19۔ جیسے پسند کے فنڈز نہ ملنے پر وزیراعظم نوازشریف کو نکالنے کے لیے عدلیہ ، نیب اور میڈیا کو استعمال کیا گیا۔
20۔ جیسے کارگل جنگ میں آل آوٹ شکست سے بچنے کے لیے وزیراعظم نوازشریف کو پہلے امریکہ بھیجا گیا۔ اور پھر میڈیا کے ذریعے وزیراعظم نوازشریف کے خلاف جنگ ھارنے کا پروپیگنڈہ کروایا گیا۔
اور مزے کی بات یہ ھے۔ وھی میڈیا جس نے ھمیشہ مقتدرہ کا ساتھ دیا۔ آج جب میڈیا پر ابتلاء کا دور ھے۔ سب ڈرے سہمے بیٹھے ھیں ۔
اور سیاستدانوں کی کرپشن، نااھلی اور ملک دشمنی کے حوالے سے مستقل پروپیگنڈہ مقتدرہ کا ایک مستقل آزمودہ ھتیار ھے۔ مقتدرہ کے سیاسی ، دفاعی ، مذھبی، صحافی، تعلیمی اور اداراتی مہرے ستر سال سے اس پروپیگنڈے کو چلا رھے ھیں ۔ اور لوگوں کے مائنڈ سیٹ سے کھیل رھے ھیں ۔