پشاور:صوبہ خیبرپختونخوا کے دارالحکومت پشاور کے علاقے کالا باڑی میں دھماکے کے نتیجے میں 4 افراد زخمی ہوگئے۔
تفصیلات کے مطابق،ہفتے کو دھماکا پشاور میں کالا باڑی کے علاقے میں کیا گیا،جس کے نتیجے میں 4 افراد زخمی ہوئےجن میں ایک خاتون بھی شامل ہے۔
دھماکے میں زخمی ہونے والوں کی شناخت ابراہیم ولد بدی گل، محمد فاروق ولد دین محمد اور مختیارہ بی بی کے نام سے ہوئی ہے،جنہیں طبی امدا دکیلئے اسپتال منتقل کردیا گیا۔
دھماکے کے بعد پولیس، ریسکیو ٹیمیں اور بم ڈسپوزل اسکواڈ موقع پر پہنچ گیا ہے جبکہ سیکیورٹی فورسز نے علاقے کو گھیرے میں لے لیا۔
پولیس کے مطابق دھماکے سے اطراف کی متعدد دکانوں اور گاڑیاں کو نقصان پہنچا ،تاحال دھماکے کی نوعیت معلوم نہیں کی جاسکی۔
ابتدائی اطلاعات کے مطابق گاڑی کے قریب دھماکا ہوا ہے جبکہ دھماکے میں بارودی مواد استعمال ہواہے۔
Facebook Comments
بذریعہ فیس بک تبصرہ تحریر کریں