کراچی: رات گئے پولیس نے شہر قائد میں بڑی کارروائی کرتے ہوئے سال نو کے موقع پر ہونے والا دہشتگردی کا بڑا منصوبہ ناکام بنادیا۔
تفصیلات کے مطابق خفیہ اطلاع پر پولیس نے پی آئی بی کی کرنال بستی میں چھاپا مارا تو ملزمان نے پولیس پر فائرنگ کردی، دستی بم بھی پھینکے گئے جوپھٹ نہ سکے۔
پولیس کی اضافی نفری آنے پرعلاقے کی ناکہ بندی کرتے ہوئے سرچ آپریشن شروع کیا گیا، جس میں بارود سے بھری موٹر سائیکل برآمد ہوئی جو نیو ایئر نائٹ پر استعمال کی جانی تھی۔
حکام کا کہنا ہے کہ دہشت گردوں کے ٹھکانے سے تین دستی بم دیگر اسلحہ بھی برآمد ہوا ہے ، جبکہ پولیس نے پانچ مشتبہ افراد کو حراست میں لے کر تھانے منتقل کردیا ہے جن سے تفتیش کی جا رہی ہے۔
چوری شدہ موٹرسائیکل کی ٹینکی میں بم تیار کیا گیا تھا، جو بم ڈسپوزل اسکواڈ نے ناکارہ بنادیا۔
Facebook Comments
بذریعہ فیس بک تبصرہ تحریر کریں