راولپنڈی: آرمی چیف جنرل قمر جاوید باجوہ نے گیارہ انتہائی خطرناک دہشت گردوں کی سزائے موت کی توثیق کردی۔آئی ایس پی آر کے مطابق دہشت گردوں کیخلاف فوجی عدالتوں میں مقدمات چلائے گئے۔ملزمان مسلح افواج اور قانون نافذ کرنے والے اداروں پر حملوں میں ملوث تھے۔ان کے حملوں میں پچیس سیکورٹی اہلکار شہید ہوئے۔ جبکہ ایک شہری بھی ملزمان کا نشانہ بنا۔دہشت گردوں کے حملوں میں بائیس افراد زخمی بھی ہوئے۔ 22 مجرموں کوعمر قید کی سزا بھی سنائی گئی ہے۔