فیصل آباد:ہائیکورٹ بینچ کے قیام کے لیے احتجاج کے دوران وکلا نے سیشن کورٹ میں توڑ پھوڑ کی جب کہ ڈی سی آفس میں گھس کر زبردستی اجلاس بھی ختم کرادیا۔تفصیلات کے مطابق فیصل آباد کے یونیورسٹی روڈ پر وکلاء نے ہائیکورٹ بینچ کے قیام کے لیے احتجاج کیا اور اس دوران مشتعل وکلاء سیشن کورٹ کے احاطے میں ہنگامہ آرائی پر اتر آئے اور توڑ پھوڑ شروع کردی۔مشتعل وکلاء احتجاج کرتے ہوئے قریب ہی موجود ڈپٹی کمشنر کے دفتر میں بھی گھس گئے اور ہنگامہ آرائی کی۔اس دوران جب وکلاء کو علم ہوا کہ ڈی سی او دفتر میں موجود نہیں اور ساتھ ہی کمیٹی روم میں اجلاس میں مصروف ہیں تو وکلاء کا ایک گروپ کمیٹی روم میں بھی جاگھسا اور وہاں بھی ہنگامہ آرائی کی۔وکلاء کی ہنگامہ آرائی پر کمیٹی روم میں خواتین سمیت دیگر اسٹاف خوفزدہ ہوگیا، جب کہ وکلاء نے ڈپـٹی کمشنر کی زیرصدارت ہونے والا اجلاس زبردستی ختم کرادیا۔
Facebook Comments
بذریعہ فیس بک تبصرہ تحریر کریں