کیلیفورنیا: جنگلات میں لگی آگ بے قابو، 25 ہلاک

SHOPPING

کیلیفورنیا کے جنگلات میں جمعرات کو لگنے والی آگ پر تاحال قابو نہیں پایا جا سکا ہے۔ آگ سے جھلس کر مرنے والے افراد کی تعداد 25 ہو گئی۔بعض اطلاعات کے مطابق کئی افراد تاحال لاپتہ ہیں اور حکام ہلاکتیں بڑھنے کے خدشات کا اظہار کر رہے ہیں۔ آگ سے سب سے زیادہ ’پیراڈائز ٹاؤن‘ متاثر ہوا جہاں سے ملنے والی لاشوں کی تعداد 14 ہے جبکہ پورا علاقہ تباہی سے دوچار ہوا ہے ۔عالمی خبر رساں اداروں کا کہنا ہے کہ تیز ہواؤں کے باعث فائر فائٹرزکو آگ پر قابو پانے میں مشکلات کا سامنا ہے تاہم آگ پر تاحال قابو پانے کی کوششیں جاری ہیں۔آگ سے کئی ہزار ایکڑ پر موجود درخت اور اس سے اطراف واقع مکانات راکھ ہوگئے۔ حکام کا کہنا ہے کہ آگ نے ہزاروں مکانوں کو اپنی لپیٹ میں لے لیا تھا جس کی وجہ سے بڑی تعداد میں لوگوں کواپنے گھر بار چھوڑنے پڑے۔ان مکانات میں کئی ہالی ووڈ اسٹارز کے گھربھی شامل ہیں تاہم علاقہ خالی کرا لینے کے سبب جانی نقصان کم ہوا ہے۔ اب تک کئی لاکھ افراد کو محفوظ مقام پر منتقل کیا جاچکا ہے۔ایک روز قبل بیوٹ کاؤنٹی کے شیرف کے دفتر نے بتایا تھاکہ آگ کی وجہ سے ہلاک ہونے والے پانچ افراد کی لاشیں ایک گاڑی سے ملی ہیں۔ انہوں نے پیراڈائز کے پہاڑی علاقے سے جان بچانے کے لیے باہر نکلنے کی کوشش کی تھی لیکن خود کو آگ سے نہ بچا سکے۔

کیلیفورنیا کے فائر فائٹرز کا کہنا ہے کہ ان کے عملے نے آگ پر قابو پانے کی کوششوں کو چھوڑ کر لوگوں کی جانیں بچانے کے اقدامات شروع کر دیئے۔

SHOPPING

کیلیفورنیا کے فائر ڈپارٹمنٹ کے عہدیداروں کا کہنا ہے کہ آگ سے اب تک سینکڑوں عمارتیں تباہ ہو چکی ہیں جن میں زیادہ تر رہائشی مکانات تھے۔

SHOPPING

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *