وزیراعظم عمران خان نے سربراہ جے یوآئی (س) مولا ناسمیع الحق پر حملے کے نتیجے میں ان کی شہادت کی شدید مذمت کی ہے۔ان کا کہنا تھا کہ مولانا سمیع الحق کی شہادت سے ملک جید عالم دین اور اہم سیاسی رہنما سے محروم ہوگیا۔مولانا سمیع الحق کی دینی اور سیاسی خدمات کو ہمیشہ یاد رکھا جائے گا، وزیراعظم نے مولانا سمیع الحق پر حملے کے واقعے کی رپورٹ طلب کرلی۔اور فوری تحقیق کرکے ذمہ داران کا تعین کرنے کی ہدایت کی ہے ۔
خیال رہے کہ وزیراعظم عمران خان اس وقت چین کے سرکاری دورے پر ہیں جنہیں مولانا سمیع الحق پر حملے کے حوالے سے آگاہ کیا گیا۔مولانا سمیع الحق کے صاحبزادے مولانا حامد الحق نے میڈیا کو بتایا کہ مولانا سمیع پر حملہ ان کے گھر کے اندر داخل ہوکر کیا گیا ہے ۔اس وقت وہ آرام کررہے تھے ۔اور ان کا گارڈ اور ڈرائیور باہر گئے ہوئے تھے وہ واپس آئے تو مولانا خون میں لت پت بستر پرتڑپ رہے تھے ۔
Facebook Comments
بذریعہ فیس بک تبصرہ تحریر کریں