اسلام آباد: پاک روس تربیتی مشقوں میں شرکت کے لیے روسی فوجی دستہ پاکستان پہنچ گیا ہے۔ دروزبہ تھری تربیتی مشقیں 4 نومبر تک جاری رہیں گی۔

پاک فوج کے شعبہ تعلقات عامہ آئی ایس پی آر کے سربراہ میجر جنرل آصف غفور کے ٹویٹ کے مطابق روسی فوجی دستہ، پاک روس تربیتی مشقوں میں شرکت کے لیے پاکستان پہنچ گیا ہے۔

Advertisements

ڈی جی آئی ایس پی آر کے مطابق پہلی بار مشقیں 2016 میں پاکستان میں منعقد کی گئیں، دوسری بار 2017 میں روس میں منعقد کی گئیں۔   آئی ایس پی آر کا کہنا ہے کہ اب تیسری بار پاک روس تربیتی مشقیں پاکستان میں ہورہی ہیں۔   پاک روس تربیتی مشقیں دروزبہ تھری 4 نومبر تک جاری رہیں گی۔ دروزبہ کا مطلب دوستی ہے۔