تضاد
(سو لفظوں کی کہانی)
اتوار والے دن چاہتے نہ چاہتے ہوئے
بھی مجھے گھر والوں کے ساتھ ایک
قریبی رشتہ دار کے گھر جانا پڑا۔
مجھے پتہ چلا انکل اور آنٹی مکمل
طور پر کپتان کی سیاست اوراس
کی سیاسی جماعت سے اختلاف
رکھتے ہیں اور جنوں کی حد تک مخالف ہیں۔
باتیں شروع ہوئی تو آنٹی فرمانے لگیں،
یہ بیہودہ اور فحش سیاسی جماعت ہے
جو اپنے جلسوں میں لڑکیوں کو نچواتی ہے۔
کھانا کھانے کے بعد آنٹی نے بڑے
فخر سے وہ شیشے کی خوبصورت
ٹرافی دکھائی جو اس ہفتہ اُن کی بیٹی
نے یونیورسٹی میں ڈانس کے
مقابلے میں جیتی تھی۔