• صفحہ اول
  • /
  • خبریں
  • /
  • گستاخانہ خاکوں کیخلاف آواز اٹھانے پررابی کا ٹویٹراکاؤنٹ بند

گستاخانہ خاکوں کیخلاف آواز اٹھانے پررابی کا ٹویٹراکاؤنٹ بند

گستاخانہ خاکوں کیخلاف آواز اٹھانے پر ٹویٹر انتظامیہ نے پاکستان کی مقبول ترین گلوکارہ رابی پیرزادہ کا ٹویٹر اکائونٹ معطل کر دیا۔ ہالینڈ کے رکن پارلیمنٹ گیرٹ ولڈرز کی جانب سے گستاخانہ خاکوں کے مقابلوں کے انعقاد پر جہاں پاکستان سمیت دنیا بھر کے مسلمانوں نے احتجاج کیا ، وہیں شوبز انڈسٹری سے تعلق رکھنے والی نامور پاکستانی گلوکارہ رابی پیرزادہ بھی چپ نہ رہیں اور ناموس رسالت کے مرتکب گیرٹ ورلڈرز کو ٹویٹر پر پھانسی دینے کا مطالبہ کیا۔ گلوکارہ رابی پیرزادہ کی ٹویٹ پر گیرٹ ورلڈرز کے حامیوں کی جانب سے سخت واویلا کیا گیا اور انہیں تشدد پھیلانے کا مرتکب قرار دیتے ہوئے ان کا ٹویٹر اکائونٹ بند کرنے کا مطالبہ کیا گیا۔ رابی پیرزادہ کے خلاف جاری مہم کے بعد ٹویٹر انتظامیہ نے ان کا اکائونٹ عارضی طور پر معطل کر دیا۔ رابی پیرزادہ نے اپنے ٹویٹر اکائونٹ پر پابندی لگنے کی اطلاع اپنے دیگر سوشل میڈیا اکائونٹس پر دیتے ہوئے کہا میں نے یہ ٹویٹس عشق رسول میں کی تھیں،  جس کی مجھے یہ سزا ملی لیکن مجھے اکائونٹ معطل ہونے پر کوئی افسوس نہیں بلکہ خود پر فخر ہے کہ میں نے ناموس رسالت پر آواز اٹھائی۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply