اسلام آباد:  نو منتخب وزیر اعلیٰ پنجاب عثمان بزدار پر اثاثوں کی تفصیلات میں تضاد کے باعث معطلی کی تلوار لٹکنا شروع ہو گئی ہے۔

تفصیلات کے مطابق الیکشن کمیشن آف پاکستان نے اثاثوں کی تفصیلات میں غلط معلومات فراہم کرنے والے اراکین پارلیمنٹ کو نوٹس بھیجنے کا فیصلہ کر لیاہے۔

جن میں پاکستان تحریک انصاف کے عثمان بزدار بھی شامل ہیں، کیونکہ ان کے بھی اثاثوں کی تفصیلات میں تضاد سامنے آگیا ہے۔

دستاویزات کے مطابق وزیراعلیٰ عثمان بزدار نے بیان حلفی میں اثاثوں کی مالیت 7 لاکھ 61 ہزار بتائی ہے، جبکہ فارم ب میں اڑھائی کروڑ روپے بتائی ہے۔

Advertisements

عثمان بزدار نے گزشتہ سال کے اثاثوں کی مالیت چار لاکھ بتائی ہے اور ساتھ ساتھ یہ بھی بتایا ہے کہ انہوں نے 61 ہزار روپے انکم ٹیکس بھی ادا کیا۔