• صفحہ اول
  • /
  • خبریں
  • /
  • پاک بھارت آبی تنازعات پر مذاکرات کا دوسرا دور آج ہوگا

پاک بھارت آبی تنازعات پر مذاکرات کا دوسرا دور آج ہوگا

لاہور: پاک بھارت آبی تنازعات پر مذاکرات کا دوسرا دور آج ہوگا، لاہور میں پہلے دور کے دوران بھارتی واٹر کمیشن کے  وفد نے  دریائے چناب پر بنائے گئے ڈیمز کے حوالے سے پاکستانی تحفظات کا جواب دیا۔

پاکستان اور بھارت کے درمیان سندھ طاس معائدے اور دریائے چناب پر بنائے گئے بھارتی ڈیمز پر پاکستانی تحفظات کے حوالے سے دو روزہ مذاکرات کا پہلا دور نیسپاک ہیڈکوارٹر لاہور میں ہوا۔

پاکستان وفد کی سربراہی مہر علی شاہ جبکہ بھارتی وفد کی قیادت پردیپ کمار سکسینا کر رہے ہیں۔

پاکستان بھارتی وفد سے لوئر کلنائی اور پاکل دل منصوبوں پر بات کی گئی ہے، پاکستان ان دو ڈیمز کی تعمیر کے حوالے سے بھارتی حکام کو مارچ 2018میں اپنے تحفظات سے آگاہ کر چکا ہے۔

پاکستان کا مؤقف ہے کہ دریائے چناب پر بھارت کی طرف سے ڈیمز کی تعمیر سندھ طاس معاہدے کی خلاف ورزی ہے۔

Advertisements
julia rana solicitors london

پاک بھارت مذاکرات کا دوسرا دور جمعرات کو ہوگا جبکہ بھارتی واٹر کمیشن کے مؤقف سے مطمئن نہ ہونے کی صورت میں مذاکرات کا اگلا دور دہلی میں ہوگا۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply