تحریک انصاف نے پنجاب کی 23رکنی کابینہ کا اعلان کردیا

لاہور:پاکستان تحریک انصاف (پی ٹی آئی)نے پنجاب کی 23 رکنی کابینہ کا اعلان کر دیا۔

وزیر اعظم عمران خان نے پنجاب کابینہ کے انتخاب کو حتمی شکل دینے کیلئے امیدواروں کے انٹرویوز کیے جو کہ وزیراعظم کی ذاتی رہائش گاہ بنی گالا میں ہوئے جہاں امیدواروں سے سوال جواب کئے گئے،اس موقع پر وزیراعلیٰ پنجاب سردار عثمان بزدار بھی موجود تھے۔

tripako tours pakistan

مشاورت کے بعد پنجاب کی 23 رکنی کابینہ کا اعلان کردیا گیا اور اراکین کو ان کے محکمے بھی سونپ دیئے گئے۔

علیم خان کو پنجاب کا سینئر وزیر بنایا گیا ہے اور انہیں بلدیات اور کمیونٹی ڈویلپمنٹ کا محکمہ دیا گیا ہے۔

ڈاکٹر یاسمین راشد کو پرائمری اینڈ سیکنڈری ہیلتھ ، اسپیشلائزڈ ہیلتھ کیئر اینڈ میڈیکیشن ایجوکیشن کا قلمدان دیا گیا ہے۔

راجہ بشارت کو لاء پارلیمانی افیئرز، تیمور خان کو یوتھ افیئراور اسپورٹس، مراد رؤس کو اسکول ایجوکیشن، انصر مجید نیازی کو لیبراینڈ مین پاور کے قلمدان تفویض کئے گئے ہیں۔

حافظ ممتاز احمد کو ایکسائز، ٹیکسیشنز اینڈ نارکوٹکس کنٹرول، مخدوم ہاشم بخت کو محکمہ خزانہ، سمیع اللہ چوہدری کو محکمہ فوڈ، فیاض الحسن چوہان کو محکمہ اطلاعات اینڈ کلچر، میاں محمود الرشید کو ہاؤسنگ اربن ڈویلپمنٹ اینڈ پبلک ہیلتھ انجینئرنگ اور میاں اسلم کو انڈسٹریز اینڈ کامرس کے قلمدان دیئے  گئے ہیں۔

Advertisements
merkit.pk

دریں اثنا حسنین دریشک، ملک نعمان لنگڑیال، محمد انو، چوہدری ظہیر الدین اور ہاشم ڈوگر کے قلمدان ابھی فائنل نہیں ہوئے جبکہ محمد اکرم چوہدری کو وزیر اعلی پنجاب کا سیاسی مشیر مقرر کیا گیا ہے۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply