کراچی:وزیراعظم عمران خان کی جانب سے نامزد گورنر سندھ عمران اسماعیل آج عہدے کا حلف اٹھائیں گے۔
پیر کو نامزد گورنر سندھ عمران اسماعیل کی حلف برداری کی تقریب آج شام 6 بجے گورنر ہاؤس میں منعقد ہوگی۔
چیف جسٹس سندھ ہائیکورٹ جسٹس احمد علی شیخ عمران اسماعیل سے ان کے عہدے کا حلف لیں گے ،عمران اسماعیل سندھ کے 33 ویں گورنر ہوں گے۔
تقریب میں وزیراعلیٰ مراد علی شاہ، سندھ کابینہ کے ارکان، تحریک انصاف کے کراچی سے تعلق رکھنے والے ارکان قومی وصوبائی اسمبلی، سینیٹرز، ایم کیوایم اور جی ڈی اے کے ارکان صوبائی اسمبلی کو مدعو کیا گیا ہے۔
تقریب حلف برداری میں نامزدگورنر کے اہل خانہ، عزیزواقارب، سرکاری افسران سمیت دیگراہم شخصیات شریک ہوں گی۔
گورنرکی حیثیت سے حلف لینے کے بعد عمران اسماعیل منگل کی صبح10بجے مزار قائدؒ پرحاضری دیں گے۔
Facebook Comments
بذریعہ فیس بک تبصرہ تحریر کریں