راولپنڈی : سابق وزیر اعظم نواز شریف کے داماد کیپٹن ریٹائرڈ صفدر کی طبعیت خراب ہونے پر انہیں اڈیالہ جیل سے اسپتال منتقل کردیا گیا۔
تفصیلات کے مطابق کیپٹن ریٹائرڈ صفدر کو راولپنڈی انسٹیٹیوٹ آف کارڈیولوجی منتقل کیا گیا ہے۔ جہاں ان کے ای سی جی سمیت دیگرٹیسٹ کیے جارہے ہیں۔
کیپٹن (ر) صفدرکو 5 اگست کو اڈیالہ جیل میں طبعیت خراب ہونے پرسخت سیکیورٹی حصار میں پمز اسپتال کے امراض قلب پہنچایا گیا تھا، جہاں تین رکنی میڈیکل بورڈ نے معائنے کے بعد انہیں پرائیوٹ کمرے میں منتقل کردیا تھا۔ اسلام آباد انتظامیہ نے پمزمیں کیپٹن ریٹائرڈ صفدر کے وارڈ کو سب جیل قرار دیا تھا۔
سابق وزیراعظم کے داماد کے ابتدائی ٹیسٹ میں ان کا شوگرلیول اور بلڈپریشر بڑھا ہوا تھا اور پیٹ میں شدید درد کی شکایت پرانہیں آرام کا انجکشن بھی لگایا گیا تھا۔ بعدازاں 14 اگست کو کیپٹن ریٹائرڈ صفدر کو طبعیت بہترہونے پر پمزاسپتال سے اڈیالہ جیل منتقل کردیا گیا تھا۔
Facebook Comments
بذریعہ فیس بک تبصرہ تحریر کریں