• صفحہ اول
  • /
  • خبریں
  • /
  • دپیکا اور رنویر کی شادی کی تقریبات میں موبائل پر پابندی

دپیکا اور رنویر کی شادی کی تقریبات میں موبائل پر پابندی

بولی وڈ میں شادیوں کا سیزن اپنے عروج پر ہے اور اب سے کچھ عرصے بعد ہی ایک اور مشہور رنویر سنگھ اور دپیکا پاڈوکون کی جوڑی بھی شادی کے بندھن میں بندھنے والی ہے۔

غیر ملکی میڈیا رپورٹس کے مطابق رنویر اور دپیکا کی شادی رواں برس 20 نومبر کو اٹلی کے ایک خوبصورت مقام لیک کومو میں ہوگی۔ تاہم شادی کی تقریبات کے دوران موبائل فون کے استعمال پر پابندی ہوگی۔

اطلاعات کے مطابق شادی کی تقریب میں اہل خانہ اور قریبی دوستوں سمیت صرف اور صرف 30 مہمانوں کو ہی مدعو کیا گیا ہے۔

شادی کی تقریب سادگی کے ساتھ اٹلی میں جبکہ استقبالیہ دھوم دھام سے بھارت میں نہایت شاندار طریقے سے ہوگا۔

شادی کی تقریبات کے دوران موبائل فونز پر پابندی اس وجہ سے لگائی گئی ہے تاکہ ایونٹ کی تصاویر اور ویڈیوز سوشل میڈیا پر لیک نہ ہوجائیں۔

یاد رہے اس سے قبل اداکارہ انوشکا شرما اور بھارتی کرکٹ ٹیم کے کپتا ویرات کوہلی کی شادی بھی اٹلی کے ایک خوبصورت مقام تسکینی میں انجام پائی تھی۔

Advertisements
julia rana solicitors london

گزشتہ کچھ عرصے کے دوران کئی معروف شخصیات شادی کے بندھن میں بندھ چکی ہیں۔ انیل کپور کی بیٹی سونم کپور کی شادی ایک کاروباری شخصیت آنند اہوجا سے ہوئی۔ اس کے علاوہ انٹرنیشنل آئیکون پریانکا چوپڑا کی امریکی گلوکار نِک جونس کے ہمراہ شادی بھی خوب موضوع بحث بنی ہوئی ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply