نعت ہدیہ بحضور وجہ ء خلقت ِ کائنات ، اسرار ِ توحید ، حبیبِ خدا خاتم الابنیاء ختمی مرتبت حضرت محمد ِ مصطفیٰ صلی اللہ علیہ و آلہ وسلم *

Advertisements

جب کہ ہو عرش پہ تو احمد ﷺ ہے
ہو زمین پر تو، وہ محمد ﷺ ہے
ہے محمد ﷺ کہ حمد ہو جسکی
جو کرے حمد، بس کہ احمد ﷺ ہے
جو کہ احمد ﷺ ہے عرش والوں کو
بہر ِ ارضی ، وہی محمد ﷺ ہے
پار جس کے خدا دکھائی دے
ذات ِ مرسل ﷺ ہی تو وہ سرحد ہے
حمد مختص ہے جو’’ الہ ‘‘ کیلئے
نام اس حمد کا محمد ﷺ ہے
ہر گھڑی ذکرِ مصطفیٰ ﷺ کیجئے
ذکرِ مرسل ﷺ ہی، حمد ِ بے حد ہے
حمد،سبحان کے لئے یوں ہے !
اس کو محبوب تر محمدﷺ ہے
صوت ِ بے صوت میں ہے وہ پنہاں
قلبِ بے داد کو جو مسند ہے
عرش والے ہوں،با ادب،ہشیار!
پاس محمود کے محمد ﷺ ہے
ذات میں دونوں اپنی کامل ہیں
ایک معبود،ایک معبد ہے
اس طرح حمد کا ہوا آغاز
حمد کی اولیں یوں آمد ہے
حمد کا سایہ برسرِ باقی
بطفیل ِ سرِ محمد ﷺ ہے!