پنجاب میں حالیہ مال شماری کے مطابق صوبے میں مویشیوں کی تعداد 7 کروڑ سے تجاوز کر گئی۔ محکمہ لائیو سٹاک و ڈیری ڈویلپمنٹ پنجاب کی جانب سے جاری کردہ اعداد و شمار کے مطابق پنجاب میں حال ہی میں کی گئی مال شماری میں بڑے مویشیوں کی تعداد 2 کروڑ 89 لاکھ 52 ہزار 586 ریکارڈ کی گئی۔ چھوٹے مویشیوں کی تعداد 2 کروڑ 5 لاکھ 13 ہزار 796، دیگر مویشیوں بشمول گدھوں، اونٹوں ، خچروں کی تعداد 8 لاکھ 70 ہزار 382 ریکارڈ کی گئی جبکہ پرندوں کی تعداد 2 کروڑ 30 لاکھ 35 ہزار 555 ریکارڈ کی گئی۔ محکمہ لائیو سٹاک و ڈیری ڈویلپمنٹ پنجاب کے حکام نے کہا کہ پنجاب میں مال شماری کے حالیہ اعداد و شمار کے مطابق پنجاب میں مویشیوں کی مجموعی تعداد 7 کروڑ 33 لاکھ 72 ہزار319 ہو گئی ۔