• صفحہ اول
  • /
  • خبریں
  • /
  • رانا ثناء اللہ جھنگ جا پہنچے، نومنتخب ایم پی اے مولانا معاویہ اعظم سے ملاقات

رانا ثناء اللہ جھنگ جا پہنچے، نومنتخب ایم پی اے مولانا معاویہ اعظم سے ملاقات

رانا ثناء اللہ نے جھنگ کے شہری حلقے پی پی 126 سے نومنتخب رکن پنجاب اسمبلی مولانا معاویہ اعظم سے ملاقات کی، اس موقع پر مولانا احمد لدھیانوی بھی موجود تھے۔

بعدازاں میڈیا سے گفتگو میں رانا ثناء اللہ نے کہا کہ پی ٹی آئی کی طرح روز ایک ایک دو دو کرکے ممبران نہیں لائیں گے، پی ٹی آئی کو جلدی ہے اس لیے ہم بھی کوشش کر رہے ہیں۔

tripako tours pakistan

انہوں نے کہا کہ جہانگیر ترین کے پاس پیسہ بھی ہے اور جہاز بھی ہے، ہمارے پاس نہیں۔

رانا ثناء اللہ نے دعویٰ کیا کہ پی ٹی آئی ہارس ٹریڈنگ کر رہی ہے، وفاق میں 10 کروڑ اور صوبے میں 5 کروڑ کی آواز لگائی گئی ہے۔

اس موقع پر مولانا معاویہ اعظم طارق کا کہنا تھا کہ دونوں پارٹیوں سے باقاعدہ رابطہ ہوچکا ہے، ایک دو روز میں مشاورت سے فیصلہ کر لیں گے۔

دوسری جانب رانا ثناء اللہ نے چنیوٹ میں بھی آزاد نومنتخب اراکین سے ملاقات کی۔

واضح رہے کہ تخت لاہور کے لیے مسلم لیگ (ن) اور پاکستان تحریک انصاف میں کانٹے کا مقابلہ ہے اور دونوں جماعتیں آزاد امیدواروں کو اپنے ساتھ ملانے کی کوشش کر رہی ہیں، تاکہ مطلوبہ نمبر پورا کرکے پنجاب میں حکومت بنانے کی پوزیشن میں آسکیں۔

Advertisements
merkit.pk

اس وقت 131 ارکان کے ساتھ تحریک انصاف پنجاب اسمبلی میں سب سے بڑی جماعت ہے جبکہ مسلم لیگ (ن) کے ارکان کی تعداد 129 ہے۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply