کراچی:پاکستان پیپلز پارٹی کے چیئرمین بلاول بھٹو نے انتخابات 2018کےنتائج کومسترد کردیا۔
کرا چی میں پریس کانفرنس کرتے ہوئے چیئرمین پیپلز پارٹی بلاول بھٹو زرداری نے کہا کہ پیپلز پارٹی انتخابات کو مسترد کرتی ہے، انتخابات صاف و شفاف نہیں تھے اس لئے چیف الیکشن کمشنر مستعفی ہوجائیں کیوں کہ اس تاریخی موقع پر الیکشن کمیشن کو ذمہ داری نبھانا چاہیئے تھی۔
بلاول نے کہا کہ پیپلز پارٹی نے بہت سوچ سمجھ کر یہ فیصلہ کیا ہے، ہماری جماعت فیکٹ فائنڈنگ کمیٹی بنائے گی، الیکشن سے متعلق جو بھی حقیقت ہے وہ جلد بےنقاب کرے گی اور میں جلد پارلیمان میں جاکر یہ مقدمہ لڑوں گا۔
چیئرمین پیپلز پارٹی نے کہا کہ پیپلزپارٹی باقی جماعتوں کو بھی شامل کرنے کی کوشش کرےگی، تمام جماعتوں کو انگیج کریں گے کہ ہم پارلیمانی اور جمہوری فورم کو نہ چھوڑیں اس کیلئے پیپلز پارٹی کی کوشش ہوگی کہ تمام جماعتوں کو پارلیمان میں آنے کیلئے کہیں اور انہیں تیار کریں۔
بلاول بھٹو زرداری نے مزید کہا کہ لیاری والے میرے لاڈلے ہیں انہیں جو کرنا ہے کریں میں ان کی خدمت کرتارہوں گا۔
Facebook Comments
بذریعہ فیس بک تبصرہ تحریر کریں