اطالوی سائنسدانوں نے مریخ پر مائع حالت میں پانی کی جھیل  کا  پتہ لگایا ہے۔

” سائنس” نامی امریکی جریدے کے مطابق، تقریباً 20 کلومیٹر طویل یہ جھیل  مریخ کے قطب جنوبی پر جمی برف کے ڈیڑھ کلومیٹر نیچے موجود ہے۔

 محققین کو امید ہے کہ وہ اب سرخ سیارے پر زندگی کی موجودگی کے بارے میں سوالات کے جوابات تلاش کر سکیں گے۔

سائنس دانوں کا خیال ہے کہ  مریخ پر پانی کی موجودگی سے اب وہاں جانے یا رہنے والے خلانوردوں کو کسی حد تک آسانی ہو سکتی ہے۔

Advertisements

امریکی خلائی ادارہ “ناسا “سن 2030 میں اپنا انسان بردار خلائی مشن مریخ پر اتارنے کا ارادہ رکھتا ہے۔