پشاور:پشاور میں بچوں کی لڑائی کے دوران گولیاں چل گئیں،فائرنگ سے 7افراد جاں بحق اور 2زخمی ہوئے۔ مرنے والوں میں سے چھ کا تعلق ایک ہی خاندان سے ہے۔
بچوں کی لڑائی خونی تصادم کا سبب بن گئی، پشاور میں میرہ سوڈیژئی میں بچوں میں جھگڑا ہوا تو بڑے میدان میں کود پڑے اور نوبت فائرنگ تک جاپہنچی۔
ریسکیو ذرائع کے مطابق ،فائرنگ سے 4افراد موقع پر ہی جاں بحق ہوگئےجبکہ 3افراد اسپتال منتقلی کے دوران دم توڑ گئے۔
جاں بحق افراد میں سے 6کا تعلق ایک ہی خاندان سے ہے،واقعہ میں 2افراد زخمی ہوئے جنہیں اسپتال منتقل کردیا گیا۔
واقعے کے بعد سے فریقین فرار ہیں جن کی گرفتاری کیلئے پولیس کی کوششیں جاری ہیں۔
Facebook Comments
بذریعہ فیس بک تبصرہ تحریر کریں