حماس کے ترجمان فواز برہوم نے میڈیا کو بتایا کہ حماس تنظیم نے مصر اور اقوام متحدہ کی معاونت سے فائربندی پر اتفاق کیا گیا ہے اور امید ہے کہ اسرائیل اس بار سیز فائر کا احترام کرتے ہوئے پیش قدمی سے باز رہے گا جب کہ اسرائیلی فوج کے ترجمان کا کہنا تھا کہ سرحد کی جانب حملوں کو روک دیا گیا ہے تاہم سیاسی امور پر گفتگو ہمارا میدان نہیں۔

دوسری جانب اقوام متحدہ کا دعوی ہے کہ غزہ کی صورت حال پُر سکون ہے جس کا کریڈٹ طرفین کے مزاکرات اور سیز فائر کے لیے رضا مندی کو جاتا ہے۔ امید ہے فلسطین کے شہریوں کو پر امن فضاء میسر ہو گئی اور جنگ زدہ علاقے کے مکینوں کو کچھ ریلیف ملے گا۔

Advertisements

واضح رہے اس سے قبل 15 جولائی 2018 اور 30 مئی 2018 کو بھی حماس اور اسرائیل نے سیز فائر کا اعلان کیا تھا تاہم یہ اعلانات تک ہی محدود رہا تھا اور اسرائیلی فوج نے اپنی کارروائیاں جاری رکھی تھیں۔