مسلم لیگ ن کے صدر شہباز شریف نے 12جولائی سے دو روز پہلے مسلم لیگ ن کے قائد نواز شریف کا ریلی کے ذریعے ایئر پورٹ  پر استقبال نہ کرنے کا فیصلہ کرلیا تھا۔  تفصیلات کے مطابق شہباز شریف نے نواز شریف کے استقبال کیلئے جانے والی 12جولائی کو ائیر پورٹ جانے والی ریلی کا پروگرام 2روز قبل منسوخ کر دیا تھا اور 12جولائی کو مسلم لیگ ن کے سینئر رہنمائوں خواجہ آصف،پرویز رشید ،خواجہ سعد رفیق ،مشاہد حسین سیداور مشاہد اللہ خان کو بھی فیصلے سے مشاروت آگاہ کردیا تھا جس پر خواجہ آصف ،پرویز رشید اور مشاہد حسین نے فیصلہ ماننے سے انکار کردیا تھا لیکن پارٹی قائد کے اٹل فیصلے کے بعد انہیں مجبوراً سر خم ہونا پڑا لیکن مشاہد اللہ خان نے شہباز شریف کے فیصلے کو تسلیم نہیں کیا اور اپنے چند کارکنوں کے ساتھ قائد کے استقبال کیلئے ایئر پورٹ پہنچے اور شہباز شریف متعدد رہنمائوں کے ہمراہ ایئر پورٹ سے 5کلو میٹر دور جوڑے پل پر ہزاروں کارکنوں کے ساتھ کھڑے رہے  اس کے علاوہ انہیں آئی جی پنجاب کلیم امام نے بھی  شہباز شریف کو ایئر پورٹ پہنچنے کی صورت میں سنگین خطرات سے آگاہ کردیا تھا  اور ریلی کے دوران  شہباز شریف اور آئی پنجاب کا ٹیلی فونک رابطہ بھی مسلسل برقرا رہا  ۔