• صفحہ اول
  • /
  • خبریں
  • /
  • اس صدی کے طویل ترین ‘بلڈ مون’ کا نظارہ 27 جولائی کو کیا جاسکے گا

اس صدی کے طویل ترین ‘بلڈ مون’ کا نظارہ 27 جولائی کو کیا جاسکے گا

واضح رہے کہ جب زمین سورج اور چاند کے درمیان آجائے تو چاند کو گرہن لگتا ہے، لیکن اگر چاند کو مکمل گرہن لگ جائے اور وہ مخصوص زاویئے سے آنے والی روشنی کی وجہ سے سرخی مائل رنگ اختیار کرلے تو اسے ‘بلڈ مون’ کہا جاتا ہے۔

امریکی خلائی تحقیقاتی ادارے ناسا کے ماہرین کے مطابق 27 جولائی کو نظر آنے والا بلڈمون 1گھنٹہ 43 منٹ تک جاری رہے گا جو ممکنہ طور پر رواں صدی میں اب تک کا سب سے طویل بلڈ مون ہوگا۔

جبکہ چاند گرہن کا یہ عمل مجموعی طور پر 4 گھنٹے تک جاری رہے گا۔

تاہم بلڈ مون کا یہ نظارہ پوری دنیا میں نظر نہیں آئے گا اور صرف افریقہ، ایشیاء، آسٹریلیا، یورپ، نیوزی لینڈ اور جنوبی امریکا کے لوگ اسے دیکھ سکیں گے۔

Advertisements
julia rana solicitors

یاد رہے کہ رواں برس 31 جنوری کو پاکستان سمیت دنیا کے مختلف ممالک میں 150 سال بعد سُپر بلیو بلڈ مون یعنی سرخی مائل نارنجی چاند کا نظارہ دیکھا گیا تھا۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply