نئے مسافر ۔۔۔۔ ان کہی کہانی/کے ایم خالد

 

ڈرائیور نے ایک نظر گاڑی سے اترنے والے مسافروں کی طرف دیکھا اور گائیڈ سے کہا۔
’’ میں ستر برسوں سے اس ٹرین کا ڈرائیور ہوں ،
ہر دفعہ قریباً یہی مسافر اترتے اور سوار ہوتے ہیں،
مگر اب مجھے امید ہے ہمارے ہم سفر نئے ہوں گے ‘‘۔

اتنی دیر میں پلیٹ فارم پر ننگ دھڑنگ،
میلے کچیلے سے لوگوں کی آمد ہوئی۔
’’دیکھو !یہ ہیں اصل مسافر‘‘۔
ڈرائیور نے گائیڈ سے کہا۔

’’ہم مسافر نہیں جناب۔۔۔
جانا تو انہوں نے ہی ہے،
جو گاڑی سے اترے ہیں،
ہم تو اسٹیشن کو سجانے آئے ہیں‘‘۔
ان میں سے ایک نے جھنڈیاں کھولتے ہوئے کہا!

Save

Avatar
کے ایم خالد
کے ایم خالد کا شمار ملک کے معروف مزاح نگاروں اور فکاہیہ کالم نویسوں میں ہوتا ہے ،قومی اخبارارات ’’امن‘‘ ،’’جناح‘‘ ’’پاکستان ‘‘،خبریں،الشرق انٹرنیشنل ، ’’نئی بات ‘‘،’’’’ سرکار ‘‘ ’’ اوصاف ‘‘، ’’اساس ‘‘ سمیت روزنامہ ’’جنگ ‘‘ میں بھی ان کے کالم شائع ہو چکے ہیں روزنامہ ’’طاقت ‘‘ میں ہفتہ وار فکاہیہ کالم ’’مزاح مت ‘‘ شائع ہوتا ہے۔ایکسپریس نیوز ،اردو پوائنٹ کی ویب سائٹس سمیت بہت سی دیگر ویب سائٹ پران کے کالم باقاعدگی سے شائع ہوتے ہیں۔پی ٹی وی سمیت نجی چینلز پر ان کے کامیڈی ڈارمے آن ائیر ہو چکے ہیں ۔روزنامہ ’’جہان پاکستان ‘‘ میں ان کی سو لفظی کہانی روزانہ شائع ہو رہی ہے ۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *