عمر اکمل میچ فکسنگ پر بیان دے کر پھنس گئے

ٹیسٹ کرکٹر عمراکمل اسپاٹ فکسنگ کے حوالے سے دئیے گئے اپنے بیان سے مشکل میں پھنس گئے ہیں، پی سی بی اینٹی کرپشن یونٹ کے سامنے پیش ہوکراپنے بیان پر پچھتاوے کا اظہار کیا۔

ذرائع کے مطابق عمراکمل بورڈ کے محکمہ اینٹی کرپشن یونٹ کے سامنے پیش ہوئے۔ یونٹ کے سربراہ کرنل (ر) اعظم نے ان سے دو سے ڈھائی گھنٹے تک پوچھ گچھ کی۔

پاکستان کرکٹ بورڈ نے انہیں ناروے لیگ میں روانگی کی اجازت دے دی ہے جس کے لیے وہ منگل کو روانہ ہوں گے ۔

عمر اکمل نے ایک بیان میں کہا تھا کہ انہیں بھی میچ فکسنگ کی آفر ہوئی ۔ جس پر پاکستان کرکٹ بورڈ اور آئی سی سی نے فوری ایکشن لیتے ہوئے ان سے تفتیش کا فیصلہ کیا تھا۔

آئی سی سی قوانین کے مطابق ہر کھلاڑی اس بات کا پابند ہے کہ اگر فکسنگ کی پیشکش ہو تو فوری طور پر حکام کو آگاہ کرے ۔ پی سی بی نے بکی کی آفرکو تاخیر سے بتانے پر فاسٹ بولر محمد عرفان پر ایک سال کی پابندی لگائی تھی

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *