فیفا ورلڈ کپ میں آج بھی چارمیچزشیڈول ہیں، ورلڈ چیمپئین جرمنی ناک آؤٹ راؤنڈ تک رسائی یقینی بنانےکیلئے کوریا کیخلاف میدان میں اترےگی۔ اسی گروپ میں سوئیڈن اورمیکسیکوکا سامنا ہوگا۔ میسی کی ارجنٹائن کونائیجیریا کا چیلنج درپیش ہوگا جبکہ آئس لینڈ اورکروشیا آپس میں ٹکرائیں گے۔
فٹبال ورلڈ کپ کے تیرہویں روز پاکستانی وقت کےمطابق شام سات بجے دومیچزکھیلےجائیں گے۔ گروپ سی کےدومیچزمیں ناقابل شکست فرانس کا آخری ٹاکرا ڈنمارک سے ہوگا۔
اسی گروپ میں آسٹریلیا اورپیرو کےدرمیان سوچی میں مقابلہ ہوگا۔ سوکروز کو ناک آؤٹ مرحلےتک رسائی کیلئے نہ صرف بڑےمارجن سےفتح درکارہے بلکہ ضروری ہےکہ فرانس ڈنمارک کوشکست دے۔
گروپ ڈی میں کروشیا اورآئس لینڈ رات گیارہ بجے روستوو میں مدمقابل ہوں گے، آئس لینڈ کوآخری سولہ ٹیموں میں جگہ بنانےکی امیدیں روشن رکھنےکیلئےکروشیا کوہرانا ہوگا۔
گزشتہ ورلڈ کپ کی رنراپ ارجنٹائن کی ٹیم گروپ ڈی میں مشکلات کا شکارہے۔ میسی الیون نےآئس لینڈ کیخلاف میچ برابرکھیلا جبکہ کروشیا کےہاتھوں تین صفرسےعبرت ناک شکست ہوئی۔
ارجنٹائن کی ناک آؤٹ راؤنڈ تک رسائی کا دارومدار نہ صرف نائیجیریا کیخلاف کامیابی پر ہے بلکہ یہ بھی ضروری ہے کہ کروشیا آئس لینڈ کیخلاف میچ برابرکھیلےیااسےشکست دے۔
Facebook Comments
بذریعہ فیس بک تبصرہ تحریر کریں