ماسکو:فٹبال ورلڈکپ کے 10ویں روز مزید 3میچز کھیلے جائیں گے،بیلجیئم کا مقابلہ تیونس، جنوبی کوریا کا میکسیکو اور دفاعی چیمپئن جرمنی کا سویڈن سے ہوگا۔
فٹبال ورلڈکپ کے 10ویں روز کے پہلے میچ میں بیلجیئم اور تیونس کا شام 5بجے ٹاکرا ہوگابیلجیئم نے پہلے میچ میں پاناما کو پچھاڑا جبکہ تیونس کی ٹیم انگلینڈ سے ہاری تھی۔
رات 8بجے جنوبی کوریا اور میکسیکوکی ٹیمیں نبردآزما ہوں گی،جنوبی کوریا کو پہلے میچ میں سویڈن سے ناکامی کا منہ دیکھنا پڑا تھا جبکہ میکسیکو نے دفاعی چیمپئن جرمنی کو اپ سیٹ شکست دی تھی۔
دن کے آخری میچ میں رات 11بجے جرمنی اور سویڈن کا جوڑ پڑے گا۔
دفاعی چیمپئن جرمنی کو میچ میں فتح لازمی درکار ہے، نہیں تو ناک آؤٹ مرحلے تک رسائی مشکل میں پڑجائے گی
Facebook Comments
بذریعہ فیس بک تبصرہ تحریر کریں