• صفحہ اول
  • /
  • خبریں
  • /
  • کراچی: خاتون نے گھر کو آگ لگا دی، ایک ہی خاندان کے 8 افراد جاں بحق

کراچی: خاتون نے گھر کو آگ لگا دی، ایک ہی خاندان کے 8 افراد جاں بحق

بلدیہ ٹاؤن کے علاقے ملنگ گوٹھ میں گھر میں آگ لگنے کی اطلاع ملنے پر فائر بریگیڈ کی گاڑی نے موقع پر پہنچی اور آگ پر قابو پانے کی کوشش کی تاہم اُس وقت تک آگ کے باعث 4 افراد جھلس کر ہلاک ہوچکے تھے۔

دیگر 3 افراد نے اسپتال لے جاتے ہوئے راستے میں دم توڑا۔

آگ سے جھلسنے والے دیگر 3 افراد کو سول اسپتال کے برنس وارڈ منتقل کردیا گیا۔

مرنے والوں میں خاتون گلزار اور ان کے 3 بیٹے اور 3 بیٹیاں شامل ہیں، جن کی شناخت نازیہ، گلزارہ بی بی، ظفر، نائلہ، ریحان، رقیہ اور طیب کے نام سے ہوئی ہے۔

جبکہ زخمیوں میں ساجد، سائیں داد اور اقصیٰ شامل ہیں۔

متاثرہ گھر کے پڑوسی نے میڈیا کو بتایا کہ جب تک وہ لوگ بھاگ دوڑ کرتے، اُس وقت تک پورے گھر میں آگ لگ چکی تھی۔

پولیس کے مطابق گھر میں آگ مرنے والے بچوں کی ماں گلزارہ بی بی نے لگائی تھی، جو خود بھی جھلس کر جاں بحق ہوچکی ہے۔

واقعے میں بچ جانے والے زخمی ساجد نے پولیس کو دیئے جانے والے ویڈیو بیان میں بتایا کہ جب کمرے میں آگ لگی تو وہ سب ایک کمرے میں جبکہ ان کے والد باہر سو رہے تھے، اسی وجہ سے بچ گئے۔

Advertisements
julia rana solicitors

ساجد کے مطابق اس کی والدہ کا ذہنی توازن درست نہیں تھا اور 2 سال سے ان کا علاج چل رہا تھا۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply