مسجد حرام کی انتظامیہ نے بوڑھے، مریض اور معذور حجاج کرام کی سہولت کے لیے سکوٹرز کی شکل میں مفت شٹل سروس فراہم کردی ہے۔ تفصیلات کے مطابق مسجد حرام میں ٹرانسپورٹ سروس کے ڈائریکٹر صالح محمد علی ہوساوی نے میڈیا کو بتایا کہ حرم شریف کی پہلی منزل کے میزانائن فلور کو ان برقی سواریوں کے ذریعے طواف اور سعی کرنے والوں کے لیے مختص کر دیا گیا ہے۔ میزانائن فلور پر ان سکوٹرز کی تعداد سات سو بتائی گئی ہے جب کہ فری وہیکل سروس کے تحت تمام سواریوں کی مجموعی تعداد 8700 ہے جو مسجد حرام کے تمام اطراف کے مخصوص پوائنٹس پر موجود ہوں گی۔ شٹل سروس تک لوگوں کی آسان رسائی کے لیے مختلف مقامات پر کاؤنٹر بھی بنائے گئے ہیں جہاں سے زائرین کو شٹل سروس کے استعمال کے سلسلے میں معلومات مل سکتی ہیں۔ انتظامیہ کے مطابق سکوٹرز سٹینڈز کے ساتھ کیو آرکوڈ فراہم کیے گئے ہیں جنہیں سکین کرکے روٹ اور متعلقہ نقشہ معلوم کیا جاسکتا ہے۔
Facebook Comments
بذریعہ فیس بک تبصرہ تحریر کریں