لاہور:وزیر اعلیٰ پنجاب شہباز شریف کا کہنا ہے کہ عوام مسلم لیگ (ن)کو ہی ووٹ دیں گے،پنجاب کے سرکاری اسپتالوں میں لیب ٹیسٹ اور ادویات سمیت دیگر سہولیات مہیا کی جارہی ہیں۔
اتوار کو وزیر اعلیٰ ہاؤس سے جاری بیان کے مطابق منتخب نمائندوں سے بات چیت کرتے ہوئے شہاز شریف نے کہا کہ پنجاب میں ہیلتھ کلچر تبدیل ہو چکا ہے،اب سرکاری اسپتالوں میں اعلی میعار کے لیبارٹری ٹیسٹ اور ادویات سمیت عوام کو بہترین طبی سہولتیں دی جا رہی ہیں۔
انہوں نے کہا کہ صوبے کے 26ڈسٹرکٹ ہسپتالوں میں نجی شعبے کی زیر انتظام پیتھالوجی لیبز قائم کی جا رہیں ہیں جہاں کم و بیش 43 ٹیسٹ مفت کئے جائیں گے۔
شہباز شریف نے مزید کہا کہ نجی شعبے کے زیر انتظام ان لیبز کا قیام تین مراحل میں مکمل کیا جائے گا۔
Facebook Comments
بذریعہ فیس بک تبصرہ تحریر کریں