چوزوں کی چونچیں کاٹنا(لیر اور دیسی مرغیوں کے لیے ) انڈہ پروڈکشن کے لیے پالی جانیوالی تمام نسل کی مرغیوں خواہ دیسی ہوں یا لیئر کی چونچ کاٹنی چاہیے .اس کے بہت سے فائدے ہیں .
یاد رکھیے آپ پرندے کی نسل کی پیوند تو کر سکتے ہیں مگر اس کی فطرت نہیں بدل سکتے،ٹھونگ مارنا مرغی کی جبلی صفت ہے اور خاص کر ہر رنگ دار شے کو ٹھونگ مارنا .مرغی جب انڈہ دیتی ہے تو اس کی تولیدی نالی کا کچھ حصہ کچھ دیر کے لیے باہر ہوتا ہے اس لال رنگ کو دیکھ کر ساتھ والی مرغی اپنی جبلت سے مجبور ہو کر اس تولیدی نالی پر ٹھونگ مارتی ہے .اگر چونچ کا نوکیلا حصہ کٹا ہوا ہو تو خاص نقصان نہیں ہوتا ورنہ تیز نوکیلی چونچ کے کاٹنے سے تولیدی نالی میں سوزش ہو جاتی ہے اور نتیجہ موت ہے .
درجہ حرارت یا تیز روشنی کی وجہ سے مرغی میں نمکیات کی کمی ہو جاتی ہے اور مرغیاں ایک دوسرے کو کاٹنا شروع کردیتی ہیں .اگر مرغیوں کی ڈبیکینگ وقت پر کی ہو تو ان کے ایک دوسروں کو کاٹنے سے نقصان نہیں ہوتا ۔مرغیوں میں انڈے پینے کی عادت بھی فطری طور پر ہوتی ہے .اگر ڈبیکینگ کی گئی ہو تو مرغیاں انڈے توڑ نہیں پاتیں .اگر چونچ مکمل ہو تو مرغیاں انڈے توڑ کر پینے لگ جاتی ہیں . چونچیں کاٹنے سے اموات کی شرح ایک سے ڈیڑھ فیصد کم ہو جاتی ہے جبکہ فیڈ ضائع ہونے سے بچتی ہے .مرغی پر اعصابی دباؤ بھی کم ہوتا ہے ۔
ڈبیکینگ (Debeaking) سے ٹھونگیں مارنے (C anabolism) کا عمل کم ہوتا ہے .چوزوں کی چونچیں کاٹنے کے لیے بجلی کا ایک مخصوص آلہ ہوتا ہے جسے ہم ڈبیکر (Debeaker) کہتے ہیں یہ عام طور پر لیئر چوزہ بیچنے والی کمپنی ایسی سہولت دیتی ہے مگر بازار میں اب کچھ پرائیویٹ گروپس بھی ہیں جو یہ خدمات دیتے ہیں ۔عام طور پر ساتویں سے نویں دن تک چونچیں کٹوالینی چا ہییں اور دوبارہ دسویں ہفتے کے بعد سولہویں ہفتے تک کی عمر میں یہ عمل دوبارہ کرنا چاہیے .لیکن کیج فارمز پر یہ عمل زیادہ تر صرف پہلی بار ہی کیا جاتا ہے .
عام چھوٹا فارمر جس نے گھریلو سطح پر کچھ مرغیاں رکھی ہوں ان کی آسانی کےلیے ہم ڈبیکینگ کے عمل کی مزید وضاحت کرتے ہیں
چونچ کاٹنے کے لیے تیز گرم بلیڈ سب سے بہتر ہے .تیز ناخن کٹر سے بھی چونچ کاٹی جاسکتی ہے .اوپر والی چونچ زیادہ کاٹے بہ نسبت نیچے والی چونچ کے .مقصد چونچ کا ہلکا سا حصہ کاٹنا ہے.پھر بارہ ہفتے کے بعد بے شک ناخن کٹر سے ڈبیکینگ کرے .یہ کام بہت احتیاط سے کیا جائے .
چونچ کاٹنے سے ایک دن پہلے اور چونچ کاٹتے وقت اور اس کے ایک دن بعد ایڈک نامی وٹامن مسلسل چوزے کو پلائے .یہ خون کو گاڑھا کرتا ہے .اس کی وجہ سے بلیڈنگ کم ہوتی ہے۔ڈبیکینگ کے بعد چوزے فیڈ کم کھاتے ہیں مگر یہ اتنا اہم مسئلہ نہیں ہے
Facebook Comments
بذریعہ فیس بک تبصرہ تحریر کریں